“Крвав Орел“ - Крег Расел


Кој е вашиот омилен цитат, извадок, од некое книжевно дело?

"Последниот чај" - Винка Саздова

Вие сте единствената личност која треба да се грижи за приказната за Вас самите. Свеста за тоа менува се. Сетете се, свеста за вистината е првиот чекор до овладувањето со себеси, а тоа е она што токму сега го правите. Се потсетивте што е вистина. Сега кога ја разбирате оваа вистина и кога сте свесни, како воопшто можете нешто да сфатите лично?Кога еднаш ќе разберете дека сите човекови суштества живеат во свој свет, во сопствен филм, во сон, втората спогодба е вистински здрав разум: ништо не сфаќајте лично. - Од книгата "Петтата спогодба" на дон Мигуел Руис

Ако имаш нешто неискажано
нешто што те притиска и пече
закопај го во длабока тишина
тишината сама ќе го рече...


Ацо Шопов

"Посака еднаш во животот дa се одрече од себе. Посака еднаш во животот да биде како другите луѓе и да се откаже од својата внатрешност, како тие од својата љубов и глупавото почитување, така и тој од својата омраза. Посака еднаш, само еден единствен пат да да биде прифатен во своето вистинско постење и од некој друг човек да добие одговор на своето единствено чувство, омразата."

Парфем - Патрик Зискинд

"Западот пати од премногу наука, а Истокот страда од премногу религија. Сега ни треба ново човештво во кое науката и религијата ќе станат два аспекти на единственото човештво. И штом ова човештво ќе биде донесено до стадиум на постоење, земјата за првпат ќе може да стане она што е замислена да стане. Ќе стане рај: ова тело ќе стане Буда, оваа земја ќе стане рај."
Книга за разбирањето - Ошо

"Почувствував нагон да и речам дека ја сакам, но тие зборови ги изговорив премногу пати без да ги мислам сериозно и така ги уништив за себе."

Кит Аблоу- Негирање

Кога секој би знаел колку е мало растојанието помеѓу доброто и лошото, помеѓу хуманоста и окрутноста, помеѓу доброчинителството и злобата ... тоа мало растојание лесно би го прескокнал за да помине на страната на добрите, хуманите и доброчинителите.

"Клуч" - Ленка Попоска-Гогоска

"Да се бара среќата некаде надвор од себеси е исто како да се сака да се фати облакот со ласо. Среќата не е предмет. Таа е состојба на умот. Таа е нешто што мора да се живее. Таа не може да се одвои ниту со световна моќ ниту со стекнување финансиско богатство. Менталниот немир настанува како последица од насочувањето на вниманието кон надворешниот свет". Од книгата "Како да се биде секогаш среќен" од Парамханса Јогананда

„Тајната на среќата се состои во тоа да ги набљудуваш сите чуда на овој свет, ама никогаш да не ги заборавиш двете капки масло во лажичката.“

„Не е зло она што влегува во човековата уста, туку зло е она што излегува од неа.“




Алхемичарот - Пауло Коељо

Кога секогаш гледаме исти лица ,на крајот тие стануваат дел од нашиот живот.А кога тие ќе станат дел од нашиот живот тогаш сакаат и да ни го сменат.И не се задоволни ако не е на нивното.Зашто секој човек има точна претстава како би требало да го живее својот живот


Во определен миг на нашето постоење,ја губиме контролата над сопствениот живот и и се припуштаме на судбината.Ете тоа е најголемата лага на светот.


А кога сакаш нешто целата Вселена прави заговор за да ја оствариш слојата желба


На светот секогаш постои една личност која ја чека онаа другата,без оглед дали тоа се случува сред некоја пустина или во некој голем град.И кога ќе се сретнат тие личности и ќе се вкрстат нивните погледи,сето минато и сета иднина го губат секое значење и постои само тој миг и таа неверојатна сигурност дека сите нешта под Сонцето ги има испишано само една Рака.Рака која ја буди љубовта и која создала една душа близнак за секоја личност што работи,што се одмора и што бара богатство под сонцето.Зашто без тоа ниту еден сон на човековата раса нема да има смисла - мојот омилен цитат


Алхемичарот - Пауло Коељо

Еве и еден цитат:

„Ќе се трудам се` додека не успеам. Не сум дошол на овој свет за да бидам поразен, ниту неуспех струи низ моите вени. Не сум овца што чека да ја поттикне нејзиниот пастир. Јас сум лав што одбива да зборува, оди и спие со овците. Касапницата на неуспехот не е мојата судбина.“
Од древниот свиток III
„Најголемата мистерија на светот“
Ог Мандино

Човековиот ум е налик на градина и може интелигентно да биде обработуван или да биде препуштен диво да расте, но во секој случај ќе биде продуктивен. Ако врз него во изобилство не се насее семе, семето ќе падне врз плевелот, и како резултат на тоа ќе израснат погрешни, бескорисни, штетни и нечисти билки. Со други зборови, се` што ќе дозволиме да влезе во нашиот ум, секогаш ќе даде полд, ваков или онаков.
„Додека човекот размислува“
Џејмс Ален

„Религиите во голема мера станале сила што раздвојува, а не сила што обединува. Место да придонесат за окончување на насилството и омразата по пат на спознание за фундаменталната единственост во животот, тие донеле уште повеќе насилство и омраза, повеќе поделби меѓу луѓето, како на оние од различни религии, така и на оние во рамките на иста религија. Се развиле во идеологии, во системи на верувања со кои луѓето можеле да се идентификуваат и на тој начин да го зголемат лажното доживување за сопственото „јас“. со нивна помош тие можат да го идентификуваат својот живот како „исправен“, а туѓите како „погрешни“ и на тој начин да го дефинираат својот идентитет преку своите непријатели.
„Нова земја“ Екарт Тол

ce placam utre!!zivotot ne e panadjur!!!nauciv brgu deka mora da zagrizam mnogu povece otkolku sto mozam da progoltam!! od OG MANDINO 17n pravila na mojot zivot!