ТЕМА: Информации и линкови за вакцини

Македонското министерство за здравство молчи откако во неколку ЕУ земји беа забранети вакцините против грип

и

СЗО: Полио вирусот од Сирија може да ја зафати и Македонија

Вакцината против грип која се дава кај нас не е од Новартис, туку од ГлаксоСмитКлајн. Баш јас лично видов кога се вакцинирав пред недела дена. И за тиа што ги интересира, во овие вакцини кои се даваат сега, нема жива тимерозал затоа што се еднодозни. Тоа го има само во повеќедозните кои се набавиваат кога има зголемена побарувачка заради некоја итна состојба.

И плус веста која е објавена кај нас ГОДИНАВА, е од ЛАНИ, баш сега гледам. Какви се „новинари“ постојат, брука, па дури и во македонска новинска агенција го објавиле тоа. Барем да провереле датум.
online.wsj.com/news/articles/SB100014240...04578078470951476946

За тоа со полиото напишав и на другиот форум, нема место за паника. Македонија заедно со земјите каде се употребува оралната вакцина е ставена како зона со помал ризик. Ама сепак не би ми било сеедно кога би имала дете кое е невакицнирано против полио.

U Makedoniji se priprema izmena zakona i promena Ustava! o vakcinaciji. Ustav zele da usaglase sa ustavom USA pa bi vazeci zakon koji dozvoljava odbijanje vakcinacije bio promenjen u Januaru u zakon po kome bi se za nevakcinisanje placale ogromne novcane kazne ili oduzimalo dete roditejima.

Ova go procitav na fb profilot na sladjana velkov.

се повеќе и повеќе глупости читам од велков. тотално неиздржано, веројатно ни самата не знае каков е уставот на уса и законите на секоја држава посебно. а да не коментирам за промена во нашиот устав, забрането е да се дискутира за политика, инаку ќе си пишев. ситуацијата последниве 20 год. е таква што, на ниедна власт не и одговара да се ,,чепка,, таму. ако еднаш се отвори прашањето за било каква промена во устав, ќе се прекрстиме сите до еден.

uste ova falese

portal.com.mk/zhivot-zdravje/stignuvaat-...-visok-pritisok.html

Форумов и темава навистина предизвикуваат големо внимание. Тоа ( и темата обработена во Теа модерна „За или против вакцини“) беа повод за покана за мое гостување во емисијата Зебра посветена на вакцините.
Сметам дека времето од 20 мин. беше прекратко да се опфатат најважните прашања, не се поставив ни за ни против вакцините (да не рече некој дека заземам страни) но се обидов барем да ги начнам оние дилеми кои сите нас родителите не‘ мачат.
Утре ќе има и втор дел од емисијата, со други гости, а во сабота во 16.45 на алфа тв.

zebratv.mk/

Vakcine - novi genocid, Vens Ferel
na slednava stranica www.ipm.netau.net/knjige.html

Со изјави на родител не може да се избегне вакцинирањето на детето

Од Министерството објаснуваат дека вакцинирањето е законска обврска и мора да се исполни. Оттаму веќе се изјаснија и дека не прифаќаат имунизацијата да биде право на избор, т.е. секој родител да одлучува дали и со кои вакцини ќе го заштитува детето


Министерството за здравство не попушта за имунизацијата

Вакцинирањето не може да се избегне ако двајцата родители потпишат изјава дека не сакаат да го вакцинираат детето, објаснуваат од Министерството за здравство. Потпишување изјави е „метод“ за избегнување вакцинација што го споделуваат меѓу себе родителите што не сакаат нивното дете да добива вакцини. Меѓутоа, од Министерството објаснуваат дека вакцинирањето е законска обврска и мора да се исполни. Оттаму веќе се изјаснија и дека не прифаќаат имунизацијата да биде право на избор, т.е. секој родител да одлучува дали и со кои вакцини ќе го заштитува детето.

Изјава против

Вакцинацијата - „за“ или „против“ е актуелна тема за многу родители исплашени од наводните предупредувањата на оние што ги водат антивакциналните кампањи, дека вакцините предизвикуваат низа тешки болести, меѓу кои аутизам, рак, алергии, имунолошки заболувања. За многумина не се олеснување смирувањата на дел од лекарите што објаснуваат дека нема докази за штетноста на вакцините, дека тие се безбедни и потребни за заштита на луѓето, а и обезбедуваат колективен имунитет без кој може да умираме од веќе искоренети болести.

Меѓу родителите-противници на вакцинацијата се споделува информација дека со потпишување изјави детето може да не се вакцинира.

- Треба да се однесе изјава со потпис од двајцата родители на местото каде што го вакцинирате вашето дете во која ќе пишува дека на лична одговорност не сакате да го вакцинирате. И ако ви прават проблем, треба да им кажете културно дали тие ќе ви дадат изјава дека по вакцинација нема вашето дете да има никакви последици. Тогаш веднаш ја прифаќаат изјавата. Ја однесовме лани и досега никакви казни немаме, ниту за плаќање ниту опомена. И кога ќе го носите во градинка или на училиште ја поднесувате истата изјава - вели родител, кој оваа информација ја споделил со повеќе други на Интернет.

Потпишана изјава не те штити за да не го вакцинираш детето, велат од Министерството за здравство. За невакцинација тие му предлагаат на судот прекршочна пријава. А ако судот еднаш те казни, ја платиш казната, а потоа пак не го вакцинираш детето, може повторно и повторно да добиваш пријави и казни.

КАЛЕНДАР ЗА ИМУНИЗАЦИЈА

Вакцинални картони при запишување на децата бараат и во некои од градинките и од училиштата.

- Во согласност со Законот за заштита од заразни заболувања и соодветниот правилник што ја регулира оваа област - имунизација, хемиопрофилакса, во согласност со календарот се врши редовна имунизација на децата што подлежат на вакцинација. Значи, доколку родителот не го донесе своето дете по уредно доставена покана, тогаш Службата за имунизација по службена должност го известува Државниот санитарен и здравствен инспекторат и во согласност со документацијата се поднесува барање за прекршочна пријава за неисполнета законска обврска. Потпишување изјава не постои и не значи ослободување од законската обврска - велат од Министерството.

Оттаму објаснуваат дека може некому да му прифатиле изјава во службите, за тие да имаат објаснување за невакцинираното дете, но тоа не значи дека нема да добива покани и дека нема обврска за вакцинирање.

- Во 2013 година се извршени 135 контроли од страна на инспекторатот во врска со имунизација и поднесени се 47 пријави (10 за ХПВ и 37 за други вакцини) - велат од Министерството.


Izvor- Nova Makedonija

Родителите на суд ќе бараат право да одлучат дали ќе ги вакцинираат децата

Ова соопштение е испратено и наменето за родителите во Македонија.

Драги родители и пријатели !
Со неизмерна радост, конечно можи да го најавиме нашето големо постигнувањево насока за изборување на правото на родителот совесно да одлучува за здравјето и животот на своето дете, кое не треба и не смее да биде оспорувано од државата.
Од исклучителна важност е да бидеме во што поголем број!
Да си дадеме поддршка која ќе не однесе во победа.
заради нас и нашите деца!

Во вторник (11.03) во 11 часот во Клубот на Новинари во Скопје ќе се одржи прес конференција посветена на Иницијативата на група граѓани за оценување на уставноста на законските одредби од Законот за заштита на населението од заразни болести, односно на делот кој се однесува на задолжителната вакцинација на децата.

На прес конференцијата на којашто ќе учествуваат г-динот Стамен Филипов, во својство на изготвувач на Иницијативата до Уставниот суд на РМ,ќе бидат презентирани правните, етичките, медицинските и други аргументи во прилог на оправданоста на Иницијативата за уставно оценување на посочениот Закон и другите нормативи кои што ја тангираат оваа чувствителна материја.

Вакцините одат на Уставен суд

Уставниот суд ќе ја разгледува иницијативата поднесена од Стамен Филипов за задолжителната вакцинација на децата во Македонија. Иницијативата е мотивирана од, како што вели, групата родители - иницијатори, уценувањето на родителите со вакцинирањето за упис во училиште, како и за одобрување паричен надомест за трето дете.


На социјалните мрежи извесно време се развива дискусија за можноста родителот да одбие да го вакцинира своето дете и какви последици може да има вакцината по детето, но и какви последици може да има невакцинирањето за целото население.

- Во Законот за заштита од заразни болести е определено дека вакцинацијата е задолжителна. Но што ако родител не сака, не даде согласност? Родителот е повеќе заинтересиран за него отколку државата.Сметам дека треба да има право на избор, а ризикот да биде на оној што нема да прифати вакцинација. Жените што имаат трето дете не може да земат детски додаток ако испуштиле или не им дале некоја вакцина на првите две. Сметам дека и тоа е спорно - вели Филипов.


Во Законот за основното образование е определено дека не може да се запишуваат деца на училиште доколку не се вакцинирани.


Министерството за здравство уверува дека вакцините се исправни и се во согласност со критериумите на Светската здравствена организација. Оттаму нагласуваат дека одбивањето на вакцинацијата може да предизвика појава на заразни болести кои во земјава се речиси искоренети.


Казната за одбивање вакцина е од 300 до 650 евра. Досега се издадени неколку прекршочни пријави за невакцинирање на децата.

Извор

Се укинува ревакцинацијата против туберкулоза

По препорака на Светската здравствена организација, Министерство за здравство ја укинува ревакцинацијата против туберкулоза на седумгодишна возраст. Календарот за имунизација предвидува вакцинирање со едно доза на 12-месечните бебиња и потоа ревакцинирање со една доза и тестирање на седумгодишна возраст, што од оваа година повеќе нема да се применува.

Докторите велат дека вакцината бе-се-же заштитува 80 отсто од децата, но не ги штити и возрасните.

- Вакцината ги штити децата, но пред сè ги штити од потешките форми на туберкулоза. Нејзината заштитна вредност не е 100 процентна, значи имунитетот кој се создава после апликaцијата на бе-се-же е релативен - посочува директорката на Институтот за белодробни заболувања и туберкулоза, Билјана Илиевска Поповска.

Од Министерството објаснуваат дека оваа измена во редовниот календар за имунизација е предвидена во превентивната програма за годинава, но официјално ќе стапи во сила кога ќе излезе во „Службен весник“.

Бројот на заболени од туберкулоза оваа година во Македонија бележи опаѓање во споредба со минатата. Лани се разболеле 323 луѓе, што е за 32 случаи помалку од 2012 година. Минатата година биле регистрирани 23 деца заболeни во туберкулоза, а надлежните додаваат дека појавата на оваа болест кај младата популација се помалку бројна. Болеста полесно се шири во поголемите колективи, велат упатените, поради што е забележан пораст на заболени во скопските затвори.

Светската здравствена организација ги повика европските земји да сторат сè за туберкулозата да се елиминира до 2050-та година.

Dal nekoj znae od koj proizvoditel e MMR vakcinata sto se dava kaj nas? Barav vo registarot na lekovi ama ne uspeav da najdam.

MSD (Merck Sharp & Dohme)

Blagodaram!

Ako imate informacija, bi sakala da znam koja e razlikata pomegju ovaa vakcina i vakcinata Pentaksim (znam deka se dava vo Srbija)?

Za tie sto gi interesira ovaa tema, eve link od emisijata na Alsat tv posvetena na vakcinite. Trae 30tina min, mene mi bese interesna

www.youtube.com/watch?feature=player_detailpage&v=ekO8YScyQos

Padme wrote: Тоа се две сосема различни вакцини. MMR е кај нас се вика уште и МоПаРу (Морбили+Паротит(заушки)+Рубела) додека Пентаксим е комбинирана вакцина која ги заменува следните вакцините кои кај нас се даваат поединечно ДиТеПер + Полио + Хемофилус инфлуенца Б.

Нема друга некоја замена за ММР вакцината, оваа која се користи кај нас уште од 2002 е најдобрата верзија. За некое чудо кај нас таа верзија беше воведена најпрво од околните земји. Разликата е во тоа што компонентата за заушки е американската верзија (Џерил Лин), има и Јапонска верзија (Урабе) и Европска (Загреб-Ленинград) кои се инфериорни и се употребувале претходно, на пример во Хрватска со Џерил Лин се воведе дури во 2011.

lekovi.zdravstvo.gov.mk/drugsregister/detailview/56316

Кај нас изгледа не е регистрирана таа Пентаксим, но има друга исто таква, Инфанрикс.
lekovi.zdravstvo.gov.mk/drugsregister/detailview/55882
lekovi.zdravstvo.gov.mk/drugsregister/detailview/55881
Кои за жал не се воведени во редовна вакцинација, наместо 4 вакцини.
Се извинувам, и Пентаксим била регистрирана.
lekovi.zdravstvo.gov.mk/drugsregister/detailview/56398

utka....priorix, ne pentaxim....

И Priorix е MMR на GSK. Κатρина, не знам од κаде ти е инфоρмацијата деκа κај нас е само таа на MSD? Мене лани во јули ми го ваκциниρаа детето во Јане Сандансκи со Priorix.

Да, и Приорикс е регистрирана, но е сосема иста со ММР од Мерк (МСД) по состав и по генерика, ако тоа ви беше прашањето.

Приорикс
lekovi.zdravstvo.gov.mk/drugsregister/detailview/56260

Мерк
lekovi.zdravstvo.gov.mk/drugsregister/detailview/56316

Нема разлика, битното е кој сој на паротит вирус содржи, и двете го содржат Jeryl Lynn сојот. И таа од Мерк е поевтина за стотина денари по доза, затоа изгледа таа се користи.
AWAO можеби лани се користела Приорикс, годинава се користи таа на Мерк, Вакспро се вика.

А во Србија кој од производител е ММР вакцината? Подобра ли е од нашата?
Благодарам :cvet:

Драги родители, некој ве лаже

Џенифер Раф работи на постдокторат на Универзитетот на Тексас, а до сега има два докторати еден за генетика и еден за антропологија. Заради неодамнешното појавување на голем број сипаници и други болести што се спречуваат со вакцинирање, и одбивањето на поборниците против вакцинирањето да го признаат проблемот, таа решава да напише едно писмо.

Драги родители,

Ве лажат. Луѓето кои тврдат дека дејствуваат во најдобар интерес на вашите деца го ризикуваат нивното здравје па дури и живот.

Велат дека сипаниците не се смртоносна болест.
Ама се.

Велат дека малите сипаници не се смртоносна болест.
Ама се.

Велат дека грипот не е опасен.
Ама е.

Велат дека големата кашлица не е толку лоша ако ја фати детето.
Ама е.

Велат дека вакцините не се ефективни во превенција на болести.
Ама секоја година со вакцинација се спасуваат животите на 3 милиони деца, а 2 милиони деца секоја година умираат од болести кои се спречуваат со вакцина.

Велат дека "природната инфекција" е подобра од вакцинацијата.
Ама не се во право.

Велат дека безбедноста на вакцините не е ригорозно тестирана.
Ама вакцините подлежат на повисоко ниво на тестови отколку кој било друг медикамент. На пример, оваа студија ја тестираше безбедноста и ефикасноста на вакцината против пневмонија предизвикана од стрептококата пнеумоние на повеќе од 37.868 деца.

Велат докторите нема да ви признаат дека има какви било несакани ефекти од вакцините.
Ама несаканите ефекти се добро познати, и со исклучок на многу ретки случаи тие се благи.

Велат дека вакцината против сипаници предизвикува аутизам.
Не предизвикува. (Прашањето дали вакцините предизвикуваат аутизам постојано се истражува во повеќе последователни студии, и сите покажуваат убедливи докази дека тие не предизвикуваат аутизам.)

Велат дека тиомерсалот во вакцините предизвикува аутизам.
Не предизвикува, а и онака од 2001-ва го нема во најголемиот дел од вакцините.

Велат дека алуминиумот во вакцините е штетен за децата.
Децата консумираат многу повеќе алуминиум преку мајчиното млеко отколку преку вакцините, а и без разлика на тоа потребни се многу поголеми количини на алуминиум за да се предизвика некаква штета.

Велат дека Системот за пријавување на штетни појави од вакцините докажува дека вакцините се штетни.
Не, не докажува.

Велат дека нормалниот распоред на вакцини е премногу тежок за имунитетниот систем да се справува со него.
Не, не е така.

Велат дека ако другите луѓе ги вакцинираат своите деца, тогаш нема потреба тие нивните да ги вакцинираат.

Ова е еден од најдрските аргументи кои сум ги чула. Пред се, вакцините не се секогаш 100% ефикасни, па можно е и вакцинирано дете пак да биде заразено ако е изложено на болеста. Најлошо од се, има некои луѓе кои не може да бидат ревакцинирани, бидејќи имаат намален имунитет, или затоа што се алергични на некои состојки. Овие луѓе за заштита зависат од имунитетот на стадото. Луѓето кои избираат да не ги вакцинираат своите деца против заразни болести не само што ги ставаат сопствените деца во опасност, туку и децата на други луѓе.

Велат дека "природните," "алтернативни," лекови се подобри отколку лековите базирани на наука.
Не се.

Вистината е дека вакцините се едно од најголемите достигнувања на јавното здравје, и една од најважните работи што можеш да ги направиш за да го заштитиш своето дете.

Можам да замислам точно каков одговор ќе добијам од поборниците против вакцинирање. Бидејќи не можат ефикасно да дебатираат против уверливите научни докази за вакцините, тие ќе кажат дека работам за големите фармацевтски компании. (Не работам и никогаш не сум.) Тие ќе речат дека не сум научник (сум), и дека сум "Агент 666" (Не знам што точно е ова, ама прилично сум сигурна дека не сум.)

Ниту една од овие работи не е вистина, ама тие се рефлексен одговор на противниците на вакцинирањето, бидејќи немаат никакви факти за да ги поткрепат своите позиции. На одредено ниво, длабоко во себе, тие мора да го сфаќаат ова, и се исплашени од последиците, па затоа го напаѓаат гласникот.

Зошто тогаш те лажат? Некои го прават тоа заради профит, обидувајќи се да ви продадат алтернативни лекарства со тоа што ќе ве уплашат од медицината базирана на наука. Сигурна сум дека многумина во движењето против вакцинирањето имаат вистински добри намери, и навистина искрено веруваат дека вакцините се штетни. Ама како што еден астрофизичар неодамна кажа "Добрата работа кај науката е што таа е вистина без разлика дали ти веруваш во неа или не." Во случајот со противниците на вакцините, ова не е добра работа. Добрите намери нема да ги спречат микробите да инфицираат или заразат луѓе, а пораката дека вакцините се опасни може да има ужасни последици. Во моментов низ САД има епидемии на болести кои може да се спречат со вакцини, предизвикани од невакцинирани деца.

Во само еден аспект мојата порака е иста со онаа на активистите против вакцинирање: 'Образувајте се'. "Прочитајте ги сите овие вебстрани кои ја поддржуваат нашата позиција," Ви препорачувам дека треба да научите што за ова вели научната заедница. Научете како функционира имунитетниот систем. Земете прочитајте за историјата на болестите пред вакцините, и зборувајте со постари луѓе кои израснале во период кога детската парализа, сипаниците и други болести не можеа да бидат спречени. Прочитајте како се развиваат вакцините и како тие функционираат. Прочитајте за Ендру Вејкфилд, и како неговото истражување во кое се тврдеше дека постoи врска меѓу вакцината против сипаници и аутизмот е повлечено, и му е одземена лекарската дозвола. Прочитајте ги бројните, огромни студии кои експлицитно истражуваа дали аутизмот е предизвикан од вакцините... и не открија ништо такво (Кога сте веќе таму, прочитајте за тековните истражувања чија цел е да утврдат која е причината - или причините за аутизмот. Во ова не помагаат луѓе кои продолжуваат да инсистираат дека вакцините предизвикуваат аутизам.)

Ова може ви изгледа како многу работа, и научните истражувања изгледаат застрашувачки за читање. Ама читање научни студии е вештина која може да се совлада. Еве ви одличен сајт за евалуирање на медицинските информации на интернет, а и јас имам напишано прирачник за не-научници, како да читаат и разберат научна литература. Ова им го должите на вашите деца, и на самите себе си, детално да го истражите проблемот. Немој да се потпирате на она што ви го вели некој непознат на интернет (дури ни на мене!). Прочитајте ги научните студии кои ги линкував во статијава, и разговарајте со вашите педијатари. Без разлика што ви велат противниците на вакцинирањето, нема потреба да се плашите од вакцини. Наместо тоа треба да ви е страв од она што ќе се случи без нив.

Јас ова го прочитав кога излезе, но ИЧ НЕ МЕ УБЕДИ текстот !!!
Се кажува еден став, а под него - не, не е така..., не, не се докажува...
А, ниту образложение, ни ништо !!!!
Овој текст е за човек кој не мисли со сопствената глава, туку голта што ќе му биде кажано, бидејќи нема никаква тема за расудување, објаснување и докажување.
Значи, текстов ми е жива глупост и жалосно на него ќе потпаднат оние полесните во умот.

Ова ти го преведуваше или го копираше од оффнет ?

Веќе е излезен прилично јасен коментар, за оргиналниот текст.

Линк до преводот на Офф.нет
Линк до текстот од каде е преведен со украден наслов Dear Parents, You Are Being Lied To
Линк до текстот Dear parents, you are being lied to од каде е украден насловот за да Ве наведе да го најдете него наместо оргиналната сторија

И секако коментар на целата приказна која ја објавуваат. Разглеобена невистинитоста и паушалноста
Линк до коментарот Dear parents, you’re STILL being lied to

Значи се ми е ОК, да се има свој став за нештата, да се коментира, но од такт ме вади кога ќе се почне со квалификации и навреди кон луѓето кои ќе решат да го прочитаат и да си извлечат сами поука д тоа.
Според тебе само твојата видстина е точна и исправна. Само ти и останатите кои сте 100% против вакцини сте паметни и мислите со своја глава. другите се лесни во умот?!?
Дај олабајте малку!!! И остајте ги луѓето да читаат и да се информираат, сами да носат одлуки.

Впрочем текстот не е да те разубеди тебе или твоите истомисленици, оти си имате свои интернет извори кои ви се од “100% релевантни извори“
и на крајот не е украден насловот, туку жената која го има напишано текстот за вакцините и реплицира на идентитчен начин на жената која има пишано текст против вакцини.

Measles Outbreak Traced to Fully Vaccinated Patient for First Time

не е за прв пат, ама ај...

ВАКЦИНА ЗА ЕБОЛА ВО ЈАНУАРИ

Потрагата по вакцина за ебола наскоро ќе даде информации дали двете експериментални вакцини се безбедни за користење и дали тоа може да значи пообемни тестирања на терен во Западна Африка до јануари, рече вчера висок претставник на Светската здравствена организација.

Докторка Мари Поли Кини, помошник генерален директор на СЗО, рече дека клиничките тестирања што се планирани или се во тек во Европа, Африка и САД се очекува да дадат прелимнарни информации за безбедноста до декември.
Во меѓувреме, вели таа, владите повикуваат веднаш да почне да се користи некоја одобрена вакцина за ебола.
На прес-конференцијата во Женева таа рече дека има двајца истакнати кандидати за вакцина.
Ако вакцините бидат прогласени дека се безбедни десетици илјади дози ќе бидат употребени во тестирања во Западна Африка почнувајќи од јануари за да се тестира нивната ефикасност, рече таа.
Една од овие вакцини што ја направи Националниот институт за здравство на САД и "Глаксо Смит Клајн" од моифициран вирус на настинка кај шимпанза и протеин на ебола, веќе е на клиничко тестирање во Велика Британија и во Мали.



Ќе се користи и во клинички тестирања во Лозана, Швајцарија од почетокот на февруари.
Втор финалист е вакцината на Агенцијата за јавно здравство на Канада, позната како "ВСВ-ЕБОВ", што бешепратена во воениот институт "Волѕер Рид" во Мериленд, САД за тестирање на здрави доброволци. Резултатите се очекува да бидат готови во декември.
Следната фаза ќе биде поопширно тестирање како на пример на луѓето кои се во директен контакт со заболени од ебола во Западна Африка.
Канада донираше 800 дози од експерименталната вакцина на СЗО, но пратката беше одложена поради штрајкот на пилотите на "Луфтханза".
Се очекува денес да стигнат во Швајцарија на тестирање што ќе биде во координација со агенцијата за здравство на ОН, спроведено врз доброволци во Универзитетската болица во Женева, како и на доброволци во Хамбург, Германија и во Габон и Кенија, рече Кини.
"Овие информации се клучни во донесувањето на одлуката колкави дози да се користат во тестирањето на ефикасноста на вакцината во Африка", рече таа, алудирајќи на плановите за пообемно тестирање што ќе почне во 2015 година.